For a better experience please change your browser to CHROME, FIREFOX, OPERA or Internet Explorer.
英國生活小知識-落雪篇

英國生活小知識-落雪篇

香港係一個從來唔會落雪嘅地方,雖然好多人去日本去到好似返鄉下咁,每年都會返去行下玩下休息下,對於落雪環境未必會覺得好陌生,但係畢竟旅行只係短時間,要長期生活喺一個,會落雪嘅國家又有咩需要注意呢?今日就同大家分享下我喺英國咁多年對於落雪嘅經驗,希望可以幫到大家!

今日我地就講吓呢個落雪既問題啦!喺英國落雪既時候對我地既生活有咩影響呢?如果喺交通嚟講呢,當然係指落大雪既時候啦!一般對生活係無咩影響既,落大雪既時候呢,最大影響就係小朋友可以出去玩啦!至於交通方面呢,如果係好大雪既時候機場係會關閉既,所有航班都會停飛,影響都好大架!記得對上一次發生應該係2019年既2月啦,嗰段時間真係好大雪,搞到所有英國既機場都關閉晒,所有航班都取消晒,都搞到幾大件時架。

至於陸路交通呢,一般都唔會有好大問題,一般喺落雪之前,只要天文台預測到將會落雪,政府就會派人喺Motorway同埋A路灑鹽以防止路面結冰(原理),到有積雪既時候就會來來回回咁一邊灑鹽一邊將啲雪推埋一邊,所以大多數時候Motorway同A路都係可以安全地行車既,大家唔需要太過擔心。至於B路或者其他較細既村路呢,就會比較危險啲啦!好似你如果住喺山區既地方,唔係城市附近的話,比較車行既路就唔會有人嚟幫你推雪,呢個時候就要靠自己啦!呢個時候你可能要自己出去鏟雪,你部車先可以出到去(或者返屋企啦!),咁通常除非你住到好偏僻或者成個山頭俾你買咗啦,如果唔係只要你有鄰居住喺附近Share同一條路既話,大家都會出嚟幫手鏟雪既,相對地,希望大家過到嚟英國之後都可以多啲出嚟幫下手啦,尤其有啲屋可能係得老人家住既,佢都真係無能力自己清雪架!

通常如果落得幾日雪呢,尤其喺車路俾車轆得幾日之後就更加容易結冰,呢啲時候車種就會有分別啦,通常後驅車(歐洲牌子較為普遍)會較難操控,頭驅車會相對地好少少,當然最好就係用4驅車啦,但係就算你有4驅都唔代表你可以同平時一樣咁開車喎,好多時候就算你自已行到,但係人地行唔到你都係一樣要塞車!雖然係咁講,但係有4驅始終係安全啲同穩陣啲既,落雪既時候你就知佢幾有用啦!所以喺英國4驅車都幾受歡迎架!

以前睇電經常見到外國雪地上晒鐵錬好似好勁咁,其實過到嚟咁多年我地甚少會用得著,可能因為英國普遍落雪唔多,基本上亦都係唔會有人冬天換雪地胎既。

印象中最嚴重一次發生喺10幾年前,嗰次真係大雪到Motorway都行唔到,所有車塞死晒,好多人直情放抵部車行返屋企,平時我用20分鐘既路足足行咗8個鐘先返到去,不過呢啲情況真係好少發生,大家都唔使太擔心既。

以上係我小小既個人經歷,希望可以幫到大家啦!

聲音圖像版,歡迎分享/轉載:

請Like & Follow “香港人移民英國新生活UK New Life

leave your comment

Your email address will not be published. Required fields are marked *

Recent Comments

Categories